نكت المبوقين

واحد مبوق داز حدا باه ف الزنقة وميك عليه.

مشى عندو باه قال ليه: مالك ما شفتينيش؟

قال ليه المبوق: لا شفتك، غير ما عرفتش فين

هادا واحد المبوق تلاقى بواحد مبوق كتر منو.

الأول سول التاني: فين غادي؟

جابو التاني: ما عرفتش. ونتا؟

قال ليه الأول: حتى أنا ما عرفتش.

قال ليه لاخور: إيوا يالاه دغية باش ما نتعطلوش.

مبوق شاف بلاكة مكتوب عليها: مزرعة أبقار

سول مول المزرعة: كيفاش كتزرعوا البقر؟

تفلى عليه السيد وقال ليه: كنرشوا السكر وكيخرج البقر.

ناض المبوق الغد ليه رش السكر.

رجع من بعد نهار لقى النمل مجموع على السكر.

وهو يقول: يا حليلي على البقر ملي كيكون صغير.

مبوق وقف مورا واحد مكلخ ف الڭيشي.

شوية بدا المبوق كيضحك.

سولو المكلخ: علاش كضحك؟

قال ليه المبوق: عرفت الكود ديالك.

قال ليه المكلخ: أشنو هو يالاه؟

قال ليه المبوق: نجمة، نجمة، نجمة، نجمة.

شبع فيه المكلخ ضحك وقال ليه: غلط، الكود ديالي هو 4011

واحد المبوق هز التلج من التلاجة، وهو يبدا يقطر ليه.

بدا يشوف فيه شحال وهو يقول: نموت ونعرف فين مشقوق

واحد المبوق شد المانضا وجالس يحسب ف الدار

قال: ها 600 درهم ديال الكرا، ها 800 درهم ديال التقدية، ها 200 درهم ديال الما والضو، وها 500 ديال التبويقة

شوية سمع الدقان على الباب: حل الباب، البوليس هادا

وهو يقطع 500 درهم ديال التبويقة، عاد ناض حل الباب

هادا واحد خينا مبوق مع راسو، وجاه البرد بزاف

ملي شعل العافية ودفى مزيان، عجبو الحال، وهو يقول: الله! لهلا يحرمنا منها لا دنيا ولا آخرة.

واحد مبوق جالس ف القسم، كل شوية كيضحك

ف التالي ضحك واحد الضحكة بالجهد

قال ليه المعلم: نتا مالك واش تسطيتي؟

قال ليه المبوق: راه كنت كنعاود لراسي النكت، واخر وحدة أول مرة نسمعها

واحد مبوق شاف واحد البنت رقيقة بزاف

سولها: فاش خدامة؟

قالت ليه: عارضة

قال ليها: ف إينا ملعب؟

هادو جوج مبوقين

واحد عطس، ولاخور كحب

الأول قال للتاني: علاش كتبدل الموضوع؟

واحد سول صاحبو مبوق: خوتك أشنو سميتهم؟
قال ليه المبوق: كلهم سميتهم محمد، إلا عبد الله سميتو أحمد

سولو واحد المبوق: شنو اللي حسن؟ الشمش أولا القمر؟
قال ليهم: القمر طبعا
سولوه علاش
قال ليهم حيت القمر كيضوي لينا الدنيا بالليل ملي كاين الضلام، أما الشمش كتجي بالنهار ملي الدنيا مضوية أصلا

واحد المبوق كيتفلسلف، قال لصحابو: عنداكوم تشربو الما إيلا كليتو الحوت، راه يقدر يرجع الحوت يعيش

واحد المبوق قال لصاحبو: يا خويا هاد الجيران عندنا زقرامين بلا قياس
قال ليه صاحبو: علاش كتقول هاكا؟
قال ليه المبوق: سرط ليهوم ولدهم ربعة د ريال ف الليل، وهي تنوض عندهم القربالة والغوات

واحد المبوق حكموا عليه بالإعدام
قالوا ليه : أشنو آخر حاجة كتمناها ؟
قال ليهم : كنتمنى هاد الشي يكون ليا درس ف المستقبل

 قررت شرطة المرور تكافئ كل واحد داير حزام السلامة
 لقاو واحد مبوق سايق طوموبيلتو وداير الحزام، وعطاوه 2000 درهم
 وسولوه: أشنو غادي تدير بهاد الفلوس؟؟ 
قال ليهم: نزيد عليهم ونمشي ندوز بيهم لبيرمي

شي وحدين جالسين كايتكيفو.
 داز حداهم واحد الشيباني، قال ليهم: حرام عليكم
 قالو ليه: وعليكم الحرام