نكت المكلخين ههههههههههه

واحد الكليان قال للسرباي: سمح ليا، ولكن راه صبعك كان مخشي ف هاد الزلافة ديال الحريرة اللي جبتي ليا.
قال ليه السرباي: الدنيا هانية، ولا عليك، ما كانتش سخونة

هادا واحد الراجل كان ڭالس ف طوبيس عامر ومغمض عينيه.
جا عندو واحد السيد وسولو: خويا مالك ياكما مريض؟
قال ليه لاخور: لا، غير ما كنحملش نشوف عيالات شارفات واقفين ف الطوبيس

جوج رجال تلاقاو ف القهوة.
الأول سول التاني: مجوج؟
قال ليه: اه، مجوج بمرا.
قال ليه لاخور: علاش عمرك شفتي شي واحد مجوج براجل
قال ليه: اه
قال ليه لاخور: شكون؟
قال ليه: ختي.

هادو واحد الرباعة طالعين فطاكسي وما معاهم حتى ريال، اتفقوا يهربوا بالزربة مني يوقف الطاكسي.
فعلا، ملي وقفات الطوموبيل، حلوا البيبان دغية وبدوا يجريو ورجليهم تضرب ضهورهم.
دخلو لواحد العمارة، وطلعوا أول إطاج، تاني إطاج، تالت إطاج، حتى وصلوا للسطاح.
تخباو فالضلام وبقاو شي نص ساعة لا حس لا نفس.
شوية واحد فيهم نغز اللي حداه وقال ليه: ما عرفتش أشنو طرا بالشيفور!
قال ليه لاخور: راني أنا الشيفور، ها العار قولوا لي أشنو واقع.

واحد المكلخ مشى يشري صباط.
سولو مول المحل: شحال كتلبس ف رجليك؟
قال ليه المكلخ: جوج فردات.

واحد مكلخ كيقرى صفحة الوفيات ف الجورنال
وكيقول: يا ربي ما نلقاش سميتي هنا، يا ربي ما نلقاش سميتي هنا

واحد المكلخ بدا يتفلسلف، قال لصاحبو
ما تعطينيش بيضة، ولكن علمني كيفاش نبيض

واحد المكلخ هاز ميكا ديال الحوت
سول صاحبو مكلخ كتر منو: إيلا عرفتي أشنو عندي ف هاد الميكا، نعطيك جوج حوتات
صاحبو بدا يفكر يفكر يفكر، و قال ليه: البحر؟

واحد المكلخ هاز ميكا فيها جوج ليمونات
سول صاحبو مكلخ كتر منو: إيلا عرفتي شحال من ليمونة عندي ف هاد الميكا، نعطيهم ليك بجوج
صاحبو بدا يفكر يفكر يفكر، وقال ليه: ربعة؟

واحد البنت ديما كيصدعها واحد الولد ف التليفون
البنت كعات بزاف و ناضت بدلات النمرة
ومن بعد عيطات للولد وقالت ليه المكلخة : صافي راه بدلت النمرة ديالي، أ الحمار
قال ليها المكلخ : غادي نجبد نمرتك غادي نجبدها، واخا من تحت الأرض

1.