نكت الموت ديال الضحك

واحد جاب جهاز كشف الكدب .... جهاز كي صرفق لي كذب قودامو

ولدو جا معطل هو يجربو فيه فين كنتي قال ليه كنت تن حفظ مع صاحبي

داك الجهاز جبدها مع الدري بواحد التمرميقة حارة صلاي

..ابوه قالو عيب ... اناكنت فى سنك ماكن كذبش

داك الجهاز جبدها مع الأب بواحد التمرميقة حارة نيت .

... ... .مراته سمعات التصرفيق كاتصحب الأب تصرفق الدري قالت ليه حشومة راه ولدك هداك

الجهاز تبعها بدا عليها بالتمرميق تا سالت الشارج

 

 

مغربي خرجلو شيطان قالو:

نلعبو لعبة التصرفيق انت صرفقني وانا نصرفقك

ونشوفو شكون يستحمل اكثر

.المغربي صرفق الشيطان

جاء دور الشيطان هو هز يدو و المغربي قالو اعوذ بالله من الشيطان الرجيم

اختفى الشيطان

هو عاود رجع والراجل صرفقو

الشيطان جا بش يضرب وهو قالو اعوذ بالله من الشيطان الرجيم

اختفى

هو عاود رجع والراجل صرفقو وقال اعوذ بالله من الشيطان الرجيم

... لكن الشيطان ما اختفاش

قالو مالك ما مشيتش ؟

قالو الشيطان :

.

اعلنت اسلامي باش نخلي دار بوك

 

 

هذا وحد المش مبوق تابع واحد الفار، وهو يهرب ليه وطلع مع القادوس.

تخبى المش ساعة ساعتين ما نزلش ليه الفار.

شوية هو يفكر مزيان وقال: هاو هاو هاو ه

الفار قال مع راسو: ما دام الكلب جا إذا المش هرب

وملي نزل الفار المش كلاه .

وهو يقول المش مع راسو: الواحد في هاد البلاد إيلا ما كان عندو جوج لغات ما ياكلش طرف د الخبز

 

 

عــائلة كتنسي بزاف ، عرضو عليهم شي ناس للعرس .. شراو كادو و مشاو ، و ف نص الطريق تفكرو بلي نساو الكادو فالدار ، رجعو للدار و جابوه ولكن ف الطريق انساو فين غادين معروضين ، رجعو للدار و بقاو يدقو فالباب و نساو بلي ماكاين تا واحد ، دخلو الولد الصغير من الشرجم باش يحل ليهم ، ملي حل ليهم الباب دخلو سلخوه مزيان و قالو ليه : نتا هنا وحنا من الصباح كندقو أاولد الحرام