وصفات صحراوية

وصفة للعريسات كتبيض ليدين و رجلين

السلام عليكم ورحمة الله وبركاته
البنات لاباس عليكم
هادى واحد الوصفة وهيا صحراوية وراه كتبيض اليدين الرجلين انا شحال من وحدو عطيتها ليها قبل العرس باسبوع وعطاتها نتيجة وانا مابغيت منكوم والو غير بغيت نفيدكم حتا الى مادعاتش معايا هانيا ههههه
الوصفة فيها واحد صابونة دوف+بآلموليف الخظرا ديال الحسانا +شيرلى الحر+ماء الورد+ديكاباج الايطالى
كتحكى دوف وترقديه فما الورد متلا من الصباح حتا العشية ايولى دايب بحال الكريم اتزيدى عليه بآلموليف شيرلى وتخلطيهم مزيان وممكن تاعودى تخلطيهم فمولينكس ديك الصغرة فاش تنطحنو العطرية .وديريه فشى قرعة
وملى تبغى ديريه هزى الى يكفيك وزيدى الديكاباج ودهنى اديك ملفوق ورجليك الى بغيتى منغير الوجه لا ودهنى مزيان منبعد شدى ميكة بيظة ديك الرقيقة او السولوفان وديريه ولبسى شى حاجة مزيرة شوية وشقاى عادى احسن تعملوها فوقت الدورة على حساب الصلاة باش تعرق البلاصة مزيان هاداك هو السر والغد ليه عاوديها نفس الطريقة اسبوع اتلاحظو الفرق وكنتمنى الى جربتها تقولها باش استافدو الاخوات وكنشكركم بزاف دعيو معيا الله يبيض سعدكم

خلطة صحراوية رائعة لتبييض الجسم و الوجه و المنطقة الحساسة

السلام عليكم و رحمة الله و بركاته

هذه الخلطة رائعة لتبييض الجسم و الوجه و المنطقة الحساسة وستلاحظين الفرق من اول استعمال و انصح بها كل العرائس و البنات لي عرسهم قرب

الخلطة رائعة رائعة رائعة نتيجتها من اول استعمال اما اذا تمت المداومة عليها فان نتيجتها ستكون مبهرة و الكل سيلاحظ الفرق

اولا مكونات الخلطة الصحراوية الرائعة لتبييض الجسم و الوجه و المنطقة الحساسة

نص لتر حليب
صابونة دوف البيضاء
باكية الغاسول الابيض
نصف قنينة ماء ورد

طريقة تحضير الخلطة الصحراوية الرائعة لتبييض الجسم و الوجه و المنطقة الحساسة

كتفيضي الحليب بوحدو وتحيديه من فوق العافية وكتزيدي عليه الصابونة من بعد ما حكيتيها في الحكاكة وكتخلطي مزيآآن ثم كتضيفي ماء الورد والغاسول الابيض وكتحركيهم مزيان يمكن ليك ديريهم في مولينكس باش ينساجمو او تخلطي غي بالملعقة
من بعد ملي يبرد كديريه في شي بواطة كتسدي عليه وكديريه في الثلاجة

غادي تلاحظي انو كيبان سائل ولكن النهار التالي غادا تلاحظيه ولا بحال الكريم

بالنسبة لطريقة استعمال الخلطة الصحراوية للجسم و المنطقة الحساسة

غادي نستعملو تقريبا الكمية لي ممكن نحتاجو من الخليط ونرجعو البواطة مباشرة للثلاجة باش تبقا عندنا مدة طويلة وما تخسرش

كتدهنو بيه كلشي الجسم
وكتخلوه مدة 3سوايع على الاقل و من الاحسن و الافضل ديروه بالليل ومع الصباح دوشو
كتديري الوصفة يوميا على الاقل واحد الاسبوع متابع ومن بعد وقتما رشقت ليك كتديريه اما 2 او 3مرات في الاسبوع لانو كيبقا عندك بزاف الخليط.

جبت ليكم اليوم سر من أسرار الغلض الصحراوي لي بغات تغلاض

السلام وعليكم الناس الزوينين. أنا هادي أول مشاركة لي نتمنى نتوفق فيها. جبت ليكم سر الغلظ عند الصحراويان وكيما تعرفو الصحراويات متبغيوش يقولو شنو تديرو المهم معلينا أنا استغليت الفرصة واجبت لجارتي الصحراوية لسانها حتى قالتلي واحد السر ديال الغلظ طولت عليكم. المهم السر هو شحمة ديال الجمل وماشي أي شحمة الشحمة ديال الدروة. نعطيكم الوصفة دابا.

- 2 كيلو التمر عادي ماشي داك المعجن نزولولو العضم أنفوروه

- رابعة الجنجلان

- نصف كيلو زريعة الكتان

- رابعة ايلان

- رابعة كاوكاو

- رابعة اللوز

- رابعة الكركاع

- نصف كيلو الصوجا

- 100 غ نافع

- 250غ الحلبة

-ليبغى يزيد فانيد أو سيرو ديال الشهية لمبغاش هدشي راه كافي

- كيلو من شحمة الجمل )الدروة(

- كأس ونصف الزيت العود

الطريقة

نكليو الزرارع كامين في الفران أو فالمقلة منخليوهمش يتحمرو بزاف. زريعة الكتان من الأفضل منكليوهاش تبقى خضرا. من بعد نطحنوهم مزيان

مباشرة من فورو التمر نمعسوه بملعقة الخشب مزيان نضيف ليه الزرارع نخلطو المكونات نزيدو الزيت نخلطو باش الزيت تندامج مع المكونات

نديب الشحمة نفرغها وهي سخونة فوق الخليط. وهدا لتيقولوليه الصحراويات العجنة أو اللحسة

نعمل منها كورات وتؤكل في الصباح و المساء .

حاجة أخرى الصحراويات تيشربو معاها الحسى هو طحين ديال الشعير وخاصو يكون جاري بالحليب

نتمنى نكون فدتكم جربوها راها 100% كنغلظ