نكت مغربية هبيلة

القميجة طاحت

المرا: أشنو وقع؟

الراجل جوابها من الحمام: والو، غير القميجة طاحت.

المرا: ولكن داكشي اللي سمعت تقيل.

الراجل: اه، حيت كنت ف القميجة

الفار والبنات

سولوا واحد الفار: علاش عزيزين عليك البنات؟

ڭال ليهم: حتى واحد ما كيدير ليا اعتبار من غيرهم. غير كيشوفوني كيغوتوا، حسيت براسي بحال مهند

الكود

مبوق وقف مورا واحد مكلخ ف الڭيشي.

شوية بدا المبوق كيضحك.

سولو المكلخ: علاش كضحك؟

قال ليه المبوق: عرفت الكود ديالك.

قال ليه المكلخ: أشنو هو يالاه؟

قال ليه المبوق: نجمة، نجمة، نجمة، نجمة.

شبع فيه المكلخ ضحك وقال ليه: غلط، الكود ديالي هو 4011

سلفني

واحد قال لصاحبو: سلفني 500 درهم الله يرحم بيها الواليدين.

قال ليه صاحبو: 200 درهم اللي عندي.

قال ليه لاخور: ماشي مشكل، عطيها ليا ونبقى نسالك 300 درهم

خضار و جزار

خضار و جزار تخاصموا على البلاصة في السوق. الجزار ضرب الخضار بكيلو وهو يسخف.

جا الإسعاف دا الخضار للصبيطار،و ملي فاق لقى الفرامليا لابسين الطابليات دايرين بيه.

وهو يقول ليهم: وا شهدوا عليه أمالين صيكوك، واشهدوا عليه أمالين صيكوك

القصيرة والسانسور

هادي وحدة قصيرة دخلات السانسور

بغات تطلع ليتاج عشرة، وما وسلاتش البوطون، ناضت وركات على خمسة جوج خطرات